فَحَسْبُ التِّلميذِ أَن يَصيرَ كَمعلِّمِه والخادِمِ كَسيِّدِه، فإِذا لَقَّبوا ربَّ البَيتِ بِبَعلَ زَبول، فَما أَحْراهم بِأَن يَقولوا ذلك في أَهْلِ بَيتِه ؟ ( مت 10 /25)
الصوم - لنيافة الانبا ابرام
الصوم - لنيافة الانبا ابرام
* الصوم المسيحى هو ذبيحة حب نقدمها لله ..
وصوم الاربعين المقدسة هو اقدس اصوام الكنيسة
* هو موسم عودة النفس الى مكان راحتها الحقيقية ... فالصوم الاربعينى فعل محبة بالدرجة الاولى وجزء من اختبار الصليب للعبور الى مجد قيامة الرب ...
* هو موسم اعتكاف للقاء الله تنبهنا اليه الكنيسة بطقسها والحانها وقراءاتها خلال الاربعين المقدسة
لذلك فهو زمان توبة وخلاص نتحلى فيه عن كل ماهو غير ضرورى من ممارسات لنؤهل الى حمل الصليب بشجاعة مع المسيح لنوال فرح القيامة ... لذلك يساعد على حياة الفضيلة والنمو الروحى والالتصاق بالله
* ولان الصوم هو اول وصية من الله للآنسان ... لذلك فقد بدأ السيد المسيح خدمته بالصوم والاعتكاف ليعلم البشرية كلها ان تبدأ بالصوم وعلى هذا المنوال سارت الكنيسة الاولى ....
* ابائنا الرسل اعتادوا ان يبدأوا خدمتهم بالصوم كما يقول الكتاب المقدس .. بينما يخدمون ويصومون قال الروح القدس
وكذلك الانبياء فى العهد القديم كانت لهم حياة قوية بالصوم مثل داود النبى ونحميا ودانيال ويؤئيل وحزقيال ... وكذلك القديسين كان لهم الصوم والصلاة جناحان يرتفعان بهما الى الله
* ان فترة الاربعين المقدسة موسم توبة جماعية تمارسها الكنيسة كلها اكليروس وشعب
ولنا فى صوم نينوى الذى يعتبر تمهيد لصوم الاربعين المقدسة نموذج ومثال لكيفية فتح ابواب السماء بالتوبة والصوم والتذلل امام الله لنوال المغفرة والبركة
الصوم هو الحياة مع الرب يسوع *
الصوم هو مش الجوع .. الصوم هو الحياة مع الرب يسوع ..طبعا فى البداية اول يوم فى الصوم , يحق لنا ان نسترجع ذكريتنا وعلاقتنا بالصوم , ليس لاننا محتاجين حد يفكرنا لكن الكتاب المقدس بيعلمنا ان فى كل مناسبة نفكر فيها ونحاسب انفسنا ونستعد استعدادا حسنا لمرحلة جديدة ...
* الصوم المسيحى هو ذبيحة حب نقدمها لله ... وصوم الآربعين المقدسة هو اقدس اصوام الكنيسة *
الصوم هو تعبير حب .. نفس التعبير اللى قالته الترنيمة عن الصوم , بيقولوها لنا ابائنا القديسين ان الصوم هو تعبير عن حب الانسان لله ... الله بيحب الانسان
وديه واضحة وضوح كبير فى كل حياة الانسان ...الانسان بيحاول يعبر عن محبته لله ... الصوم احد هذه العناصر ... ماهواش فرض ولا واجب ولا ولاء الى اخره ..لاء ..
بعتبره حب - اللى عايز يحب ربنا يعبر له عن هذا الحب ... عشان كده يمكن كانوا ابائنا القديسين فى تدريباتهم مختلفة عن تدريبات هذه الايام ... اللى يغلط ويعمل غلطة يروح لابونا ويقوله اعطنى قانون عشان انا غلطت وعملت كذا وكذا .. يروح ابونا يعطى له قانون مثلا ان يصوم اسبوع او حسب حجم الغلطة اللى غلطها
وهذا طبعا يعطى مفهوم غير مفهوم الصوم - كأن الصوم عقاب ... عندما اكون غلطان اصوم .. طيب فى ناس قديسين لماذا يصومون؟؟؟
لكن ابائنا كانوا يعملون عكس ذلك , لما يكون حد غلطان يقولوه انت لاتستاهل ان تصوم " وده القانون اللى بيعطى له "
ولايحق لك الصوم لان الصوم للناس القديسين اللى بيحبوا ربنا ولكن انت وضحت انك مابتحبش ربنا
اذن مفهوم الصوم هو الفكر الموجود عند ابائنا الرهبان " الفكر الرهبانى القبطى القديم " وهو تعبير حب ,,, والى يصوم هو اللى عايش فى حياة القداسة
اذن الصوم هو موسم عودة النفس الى مكان راحتها الحقيقة .. فالصوم الاربعينى فعل محبة بالدرجة الاولى وجزء من اختبار الصليب للعبور الى مجد قيامة الرب
* الصوم ايضا يساعد على حياة النمو الروحى ... ويساعد على حياة الفضيلة والحياة مع الله فالصوم يعتبر اول وصية من الله للآنسان - اول وصية *
فالصوم هو موسم اعتكاف للقاء الله تنبهنا اليه الكنيسة بطقسها والحانها وقراءاتها خلال الاربعين المقدسة
لذلك فهو زمان توبة وخلاص نتخلى فيه عن كل ماهو غير ضرورى من ممارسات لنؤهل الى حمل الصليب بشجاعة مع المسيح لنوال فرح القيامة ... لذلك يساعد على حياة الفضيلة والنمو الروحى والالتصاق بالله
* ولآن الصوم هو اول وصية من الله للآنسان .. لذلك فقد بدأ السيدالمسيح خدمته بالصوم والاعتكاف ليعلم البشرية كلها ان تبدأ بالصوم وعلى هذا المنوال سارت الكنيسة
فأول عمل بدء السيد المسيح فى خدمته بعد العماد - يقول الكتاب صام 40 يوما و40 ليلة .. وعلم البشرية كلها الصوم - قال الكتاب لما بدأ النهار يميل قدم لهم طعاما ليأكلوا - كان ممكن ان يقدم لهم فى اول النهار او فى وسط النهار ولكن لما النهار بدء يميل علشان يعلمهم الصوم ...
ابائنا الرسل اعتادوا ان يبدأوا خدمتهم بالصوم كما يقول الكتاب " بينما يخدمون ويصومون قال الروح القدس ... فقد بدئوا يصوموا ويصلوا علشان كده حل فى وسطهم الروح القدس ...
كذلك الانبياء فى العهد القديم كانت لهم حياة قوية بالصوم مثل داود النبى ونحميا ودانيال ويؤئيل وحزقيال....
وحتى غير المؤمنين كانت لهم اصوام وصلوات وتقديمات وبأصوامهم الله قربهم اليه وقربهم الى الايمان الحقيقى مثل كرنيلوس كان رجل امى يقدم صدقات وصلوات علشان كده استحاب الله لصواته وقاده للآيمان , كذلك بحارة السفينة كانوا امميين .. فلما كان عندهم مشكلة ومش عارفين حلها .. قال الكتاب صاموا وصلوا فسمع الله صلاتهم واستجاب وارشدهم من السبب فى المشكلة
فالبرغم انهم كانوا بعدين عن ربنا وبمجرد ان قدموا صوما استجاب لصلاتهم وحلت المشكلة ...كذلك الملك داريوس واهل نينوى مع انهم كانوا بعدين ايضا عن ربنا فصاموا وتذللوا فأستجاب الرب لصلاتهم
ان فترة الاربعين المقدسة موسم توبة جماعية تمارسها الكنيسة كلها اكليروس وشعب .. ولنا فى صوم نينوى الذى يعتبر تمهيد لصوم الاربعين المقدسة نموذج ومثال لكيفية فتح ابواب السماء بالتوبة والصوم والتذلل امام الله لنوال المغفرة والركة
** كيف استفيد من الصوم **
واحنا علشان نتمتع بالصوم - فى شوية حاجات قولها الاباء تكون واضحة واحنا بنصوم .. اول حاجة لازم نفهم الصوم كويس ...
+ الصوم ليس اضعاف للجسد او اذلاله +
الجسد ده وزنة - ربنا هيحاسبنا عليها - اللى يهمل فى صحته ربنا هيحاسبه .. لدرجة ان المنتحر لايدخل الكنيسة ولانصلى عليه لانه غلط وقتل نفسه - وان الجسد امانة ووزنة .. فهو ليس له رجاء وتعتبره الكنيسة قاتل
الكنيسة بتقولنا لااهمل الجسد ولا اضعفه لكى يساعد الروح فى اعمالها .. ولااهتم به قوى لدرجة انه ممكن ان يضغى على الروح - يعنى يكون فى اعتدال .. ولا اعرضه للخطر .. يعنى اخليه ميطلبش اكثر من احتياجاته لان الجسد امانة ووزنة ربنا اعطاهلنا, ولكن فى نفس الوقت لا اتركه يفعل مايريده .. ويسمى هذا """ تعقل للجسد """ يعنى اعطى له احتياجاته الضرورية ولكن لااترك له الحبل سايب
+ مفهوم الصوم ليس تكفيرا عن خطأ +
الخطأ مش ممكن يغفر الا بدم المسيح - مهما صمت مش هو اللى يغفرلى , ولكن ممكن ان يساعدنى على تقديم توبة على ان استحق غفران المسيح فى دمه المسفوك لاجلى ولكن ليس هو اللى يغفرلى ... فاذا فهمت ان الصوم يغفر لى فممكن ان اصوم اسبوع وضميرى يريحينى و احرم نفسى من الخطية اللى عايزها ... وكأن الصوم اصبح ثمن لخطية ... لاء لو الواحد عاش طول حياته صيام لايستطيع ان يكفر عن خطاياه
غفران خطايانا بدم المسيح واستحقاقاته نأخذها فى الاسرار , والاسرار نأخذها بناء على توبة حقيقية واحتياج كامل لله وندم كامل على ضعفاتنا .. ولكن اصوم واقول هو ده الثمن لا مش هو ده الثمن
كمان فى ناس بتفرح بالصوم , وفى ناس بتصوم علشان تنزل من وزنها .. فهنا خطأ .. صوم لغرض مش لغرض الله .. مفهوم الصوم لحاجة تانية
علشان كده لازم نخد بالنا من ثلاث حاجات :
--------------------------------------------------
1- الصوم ليس اذلال لجسدى او اضعفه عشان اموته بل عشان اقومه لكى يساعد الروح
2- الصوم ليس تكفير عن خطاياى
3- الصوم ليس هو وسيلة طبية هتساعدنى فى غرض بعيد عن التوبة...
انواع الصوم
-------------
هناك ثلاث انواع من الصوم :
الصوم الفردى
الصوم العائلى
الصوم الكنسى
1- الصوم الفردى
متى صمت ادخل الى مخدك وادهن رأسك علشان محدش يعرف انك صايم ...
والصوم الفردى يكون بينك وبين اب اعترافك ... والصوم الانفرادى يمكن كسره لمدة معينة, وبتأخذ بركته ايضا ... فمثلا اذا كان عندك مقابلة مع احد , واضطرت انك تشرب وانت صايم .. تحاول ان تشرب مثلا نصف الكوب وبعدين تكمل صومك - يعنى تجامل ضيفك ... اذن الصوم الفردى يمكن كسره وهو اتفاق بينك وبين اب اعترافك ...
2- الصوم العائلى
لاتوجد عائلة تخلو من المشاكل .. فأن كانت هناك مشكلة ... عريس وعايزين مشورة ربنا ... بدال مايروحوا لابونا ويطلبوا الصلاة .. يصوموا كلهم عشان ربنا يتدخل ويحل المشكلة ... اذن الصوم العائلى هو صيام لاخذ مشورة الله .. صيام لكل افراد العائلة ...
3- الصوم الكنسى
وهو صوم للكل - يعلن ان فى صوم فى الكنيسة ... الصوم الانفرادى يمكن كسره اما الصوم الكنسى لايمكن كسره اطلاقا ..فمثلا احد اعطى لى شكولاته .. فلا اخذها منه واقوله انى انا صائم .. واذا اخذتها ولم اقل انى صائم كأنى خفت ولم اعلن ايمانى - لازم اكون حريص فى تنفيذ نظام الصوم ولا اكسره اطلاقا لاى احد ...
وتوجد ايضا انواع للصوم
---------------------------
صوم النوع
صوم الكمية
صوم الوقت " الانقطاعى"
1- صوم النوع
---------------
لازم يكون بأتفاق مع اب اعترافى ... ادرب نفسى وانا صايم على نوع او اثنين من الاكل لااكله ... فمثلا اذا كنت بحب العدس .. يبقى مكلش العدس طول الصيام ... يعنى اذا احببت اكلة معينة ادرب نفسى على عدم اكلها طوال الصوم ... يعنى لو امامى على السفرة انواع كثيرة من المأكولات ... اكل من الطبق اللى امامى ولا اكل من كل الاصناف اللى على السفرة
2- صوم الكمية
----------------
وده بيكون غالبا للرهبان ولكن مع اب اعترافك تقدر يعينى تصوم كام يوم بصوم الكمية ... الكمية تكون بسيطة - الاباء الرهبان كانوا بيعدوا حبات الفول ويأكلوها مثلا 10 حبات فى اليوم ...
اذن ممكن مع اب اعترافك التدريب على صوم الكمية يوم او يومين فى الاسبوع ... ولكن ليس وحدك تفعل ذلك .. فقط مع اب اعترافك لكى لايحاربك الشيطان
3- صوم الوقت " الصوم الانقطاعى "
هو الصوم الانقطاعى لفترة معينة وده برضه لازم تتفق عليه مع اب اعترافك ...
شروط الصوم المقبول
------------------------
ليكون الصوم مقدس يجب ان يكون الصوم :
+ يكون الصوم من اجل الله لانه تعبير عن حب الانسان لله
فى ناس بتصوم مجاملة لاحد مثل اب الاعتراف او الزوجة او الاولاد يعنى الاب يصوم لما كل البيت يكون صايم يضطر يصوم هو كمان .. هو برضه اخد بركة لكن لازم نصوم لاننا بنحب ربنا واظهر حبى له بالصوم .
+ الصوم لازم يكون مقرون بالتوبة - مثل اهل نينوى لما صاموا قبلت توبتهم ... كمان صوم فمك عن الاحاديث الشريرة لانه ماذا ينتفع اذا صمت عن الطيور والاسماك وتأكل جسد اخواتك
" القديس يوحنا ذهبى الفم "
+ الصوم بدون صلاة لا ينفع - اذن الصوم لازم يقترن بالصلاة .. " الصوم والصلاة " والمسيح قال هذا الجنس لا يخرج الا بالصلاة والصوم ....
+ والصوم ايضا يقترق بالعطاء .. فالعطاء فضيلة روحية تقترن بالصوم ...
تدريبات روحية للصوم
------------------------
توجد تدريبات روحية تنظمها مع اب اعترافك .. يعنى اشوف فضيلة احطها فى اول الصوم .. واحاول اتدرب عليها مثلا يكون " لسانى مقدس " ليكن كلامكم نعم نعم ولا لا - او اذا كان عندك ضعف فى نقطة معينة تحاول تطلع من الصوم تكون اتقويت عليها .. فيجب ان يكون عندك قوة الارادة لهذه التدريبات الروحية
التدريب هدفه الاساسى هو قوة الارادة - يعنى امتلك ارادتى واسيطر عليها ولا تقدر اى قوة اخرى تسيطر على او تمتلك على ... انا اللى اقول .. وانا اللى اتحكم فى نفسى .. مفيش حاجة تتحكم فى ... حتى شهواتى لا تتحكم فى
اى غزيزة عند الانسان ممكن يعيش من غيرها ... مثلا حب الملكية .. فى ناس بتضعف وتقول انا معنديش وفى ناس عايزة وعايزة ولكن فى ناس تقدر تعيش من غير ماتملك شئ - كذلك مثلا حب الكرامة - فى ناس كتير عايشين من غيرها .. محدش هيموت لو مكرموهوش ... الغريزة الجنسية ... ناس كتير عايشين من غيرها ولم يموتوا .. حب الاولاد .. ناس كتير عايشين من غير اولاد وبرضه سعداء .
لكن :
مين يقدر يعيش من غير اكل .... ميقدرش
اذن اقوى غريزة فى الانسان هى غريزة الاكل ... فأذا قدرت ان اتجكم فيها ابقى قدرت اتحكم فى كل الغرائز ولايقدر اى شئ يمتلكنى .. يعنى اللى يقدر يتحكم فى الصوم يبقى وصل لقوة الارادة اى " ارادته ملكه " لاتستطيع شهوة ان تغلبه
اما اذا دخلت الصوم وخرجت منه وارادتى ضعيفة يبقى لم اخذ بركة الصوم ... يبقى لازم تسيطر على ارادتك
اى حاجة تعملها فى الصيام من تدريبات لازم بموافقة اب اعترافك لماذا ... يقول الاباء اذا الانسان عمل حاجة من نفسه ... الشيطان يصحى له .. ويقولك انك احسن من اب اعترافك لانك عملت كذا وكذا ويدخل فيك الكبرياء وبعديها السقوط ... وزى ماعلمنا الكتاب فيقول " قولوا مهما عملنا فأننا عبيد بطالون
فاذا جاءك الشيطان بالكبرياء اقوله انا تلميذ خيبان لم اقم بكل اللى مطلوب منى من اب اعترافى ... مش ممكن يجى بعد كده الكبرياء لما الانسان بيشعر بضعفه
كمان لازم الانسان يكون بيوضح كل ظروفه لاب اعترافه ... يقوله ده صح وده غلط من اجل صحته فمثلا لو واحد صام من نفسه بدون مشورة اب اعترافه وصام صيام كمية او نوع , يجى بعد كده يتعب وبعدين ميقدرش يصوم تانى
اذن لازم مشورة اب الاعتراف فى التداريب ... فيقول مارى اسحق " احذر لئلا تضعف جسدك بالتمادى بالصوم فيقوى عليك التراخى وتبرد نفسك " ... اذن لازم الصيام يكون بحكمة ولازم ننفذ كلام الاباء وخصوصا اب الاعتراف ... فالصوم بأرشاد مع اب الاعتراف - يمشى معك بتدريب لغاية ماتوصل واحدة واحدة مثل الطفل ...والكنيسة تقول اتفق مع اب اعترافك حتى ايضا لا تقسوى على نفسك ... وصوم بحكمة فلا يستطيع عدو الخير ان يحاربك ... تصوم لحد ماتوصل للكمال ...
بركات الصوم
--------------
الصوم له بركات كثيرة :
1- اننا بنأخذ بركة تنفيذ وصية ربنا ...
2- الاستجابة لصلوتنا ...
3- الصوم يوصل الانسان ان الروح القدس يكون رفيق حياته " اشعيا 58 " يحفظك الرب على الداوم اذا كنت انسان تعرف حياة الصوم " ...
4- الغلبة على الشيطان - محتاج لقوة تستطيع ان تأخذها بالصلاة والصوم ... الاباء يقولوا ان الشيطان لا يأكل ولكنه لا يصوم ويخاف ويرتعب من الصوم لانه يغلبه .. فاذا كان الشيطان لا يأكل ولا يصوم .. والصوم هو حب لله فهو يخاف منه ويرتعب
5- قبول الله للآنسان الصائم : يونان النبى قدم توبة وبالصوم قبلت وخطيته غفرت ... وكل اللى فى الكتاب المقدس اللى كان عندهم مشكلة او موقف بالصوم غير الله موقفهم مثل اهل نينوى - صاموا وتذللوا وحتى صوموا الحيوانات والاطفال والرضع .. فسامحهم الله .. وكلنا محتاجين للتوبة ...
الله يعطينا ان نعبر عن حبنا له - ان نسلك فى توبة حقيقية - بكل عناصرها - نحيا فى الصوم - ونخرج من الصوم واحنا فرحانين ببركاته الكثيرة واستطعنا ان نصوم صوما مقبولا امام الله
