إِلَيكَ يا رَبِّ أَصرُخ و إِلَيكَ في الصَّباحِ تُبادِر صلاتي (مز 88 /14)
يا غافي وعيونك
يا غافي وعيونك لَ عينينا نُور
- يا غافي وعيونك لَ عينينا نُور زهّرت عَ جفونَك حبِّة البخور
قداسك الحقله ومدبحك البيت بِحَنْيِة السَبْلة ندرْت وصلّيت، يا شربل ساعدنا يا شربل احمينا
- المحبسه وشو تُضوي بقلبك بيوت وانخطافك يروي أشعار السكوت
شو يغمر كتابك مخدِّة الحطب وتبوِّس ركابَك طبق القصب يا شربل ساعدنا يا شربل احمينا
- حبة القمح ترمي وسنديانه عروق تركعلك الكرمه تعصرا وما تدوق
حملتك الخمره لدم المسيح وباركتا للصخره كانِتْلَك ضريح يا شربل ساعدنا يا شربل احمينا
- يا عريس الطاعة وطننا الْ حبَّيت عتَّمِتُو الساعه ضوِّي سراج الزيت
ردُّو للعطا رجِّعلو الأمان إنت اللي انْعطالَك مجد لبنان يا شربل ساعدنا يا شربل احمينا.
