من رفع نفسه وضع، ومن وضع نفسه رفع ( مت 23 /12)
يا دير العاصي الحاكي
يا دير العاصي الحاكي
يا دير العاصي الحاكي مَجدِ كْنيسةْ إنطاكي. مارونُ عَ جبينَكْ تاكي بيصلِّي وشعبو مضمون
صلِّي عنّا يا مارون.
عَ جبال قُورُشْ ما بتنهارْ شمس وتلج وليل نهارْ، صَلا وأصوام وأسهار والكَنزْ بقلبَك مَكنونْ
صلِّي عنّا يا مارون.
تلاميذَك عنَّك صُورا باعُو الدنيي وقْصُورا وعَبُّوا سُوريَّا دْيُورا وعِطْيُوها دَمُّنْ رَعبونْ
صلِّي عنّا يا مارون.
والشعبِ الخَلقيدوني وكلّ الشعبِ الماروني عَنْ رَسمَك حامِلْ قوني ومِنْ إسمَكْ عامِلْ قانُون
صلِّي عنّا يا مارون.
يا إسم محبّة وإيمان الرجا والوَفا عِنوانْ يا نِعمِه بقلبِ الإنسانْ عَ دربِ السما مأمونْ
صلِّي عنّا يا مارون.
ولبنان أَرزو أشبالُو بْسَهلو وبَحرو وجْبالُو صَلِّيلُو وضَلّ قْبالو كلِّ صْعوباتُو بِتْهونْ
صلِّي عنّا يا مارون.
عَنَّا للفادي قِلُّو تْشَرَّدنا بْهالكون كِلُّو تَ نْقول للعالم: حَلُّو يِتْفيَّا بْغِصْنِ الزيتون
صلِّي عنّا يا مارون.
خلِّيك معنا منبقى هون ومن قلبَك زَوِّدنا العونْ تَ نعطي صورا للكون كيف المحبِّة بتكونْ
صلِّي عنّا يا مارون.
