الكبدة الاسكندراني

الكبدة الاسكندراني

أكلة مصرية نسبة إلى الاسكندرية.

المقادير

{  2 كيلو كبدة (طبعاً الكميات ترجع لكل واحد)

{  3 بصلات وسط

{  3 حبات فلفل رومي (بارد)

{  2 حبة طماطم

{  ملح وفلفل أسود وبهارات

{  فصين ثوم مدقوقين

{  ملعقتين كبار صلصة طماطم

{  1\2 ملعقة خل

{  زيت ذرة

 الطريقة

1.  تقطع الكبدة مكعبات صغيرة.

2.  يقطع البصل كالآتي: كل بصلة تقطع أربع أرباع وبعدين تقطعيها شرايح رقيقة نوعاً ما.

3.  الفلفل أيضاً يقطع نصفين وبعدين شرايح رقيقة.

4.  الطماطم أيضاً نقطعها أربع أرباع وتقطع شرايح رقيقة.

5.  نجيب الطاسة التيفال ونضع فيها الزيت لكن مش كتير ممكن ملعقة طعام أو اتنين.

6.  نضع البصل ونقلب حتى يذبل ولكن لا يصفر ثم نضيف الفلفل ونقلب حتى يذبل الفلفل كمان ثم نضيف الطماطم مع التقليب حتى تختلط بالباقي.

7.  ثم نضيف الكبدة ونقلب ونتبلها بالتوابل المذكورة.

8.  أما الخل والصلصة والثوم المدقوق نخلطهم مع ذرة سكر ونقلبهم كويس لحد ميبقى عامل زي الكاتشب و نضيفهم إلى الكبدة بعد نضجها ولو محتاجة نقطة ميه ممكن نضيف شوية لكن الأفضل نسويها على نار هادية تقوم الكبدة تنزل المية اللي فيها ولا نحتاج مية من برة وتقلب ثم تطفأ النار.

9.  تؤكل مع الخبز وسلطة الطحينة (الهردة) والسلطة الخضراء وبالهناء والشفاء.