شو بهديك يا ربي بليلة ميلادك؟
رح أهديك ياربي تعبي وجهدي لأقدر مجدك بأعمالي متل ماقدملك المجوس الذهب لأنك الملك .
رح أهديك ياربي صلاتي وتضرعاتي متل ماقدملك المجوس البخور لأنك الرب الإله.
رح أهديك ياربي أحزاني وأوجاعي متل ماقدملك المجوس المر لأنك بلاهوتك غير قابل للألم لكن بتجسدك اخترت تتألم من أجل خلاص العالم والتكفير عن خطايانا.
ياربي بهديك سعيي لأمشي بطريق الخير متل المجوس يلي شاهدوا النجم السماوي وتبعوه بإلهام روحي واختاروا الطريق الملوكي ليوصلوا لعند المغارة ويقدموا الهدايا للرب المخلص ويرتدوا عن طريق هيرودس يلي هو طريق كل فاعلي الشر يلي بيخططوا بالخفاء ليحرجوا الآخرين فبيتظاهروا بالبساطة والصداقة وهنن ذئاب خاطفة.
اعطينا يارب نكون شهود لولادتك متل ماكانت أمنا العذراء ويوسف, أليصابات وزكريا ويوحنا, المجوس والرعاة ونمجدك يارب متل ما مجدتك الملائكة وننشر كلمتك لتكون نورتهدي للخلاص كل العالم متل ماهدت النجمة المجوس للمخلص.
الأدمن
No Result
View All Result
